شُعــــــــــــــــــراء الجيـــــــــــــــــــل

(( كمليني )) 

---------

كمليني ....

كملي الحلم الجميل اللي بينا رتبيني ...

رتبي كل حروف الابجدية واكتبيني ....

بيت قصيدة في الرواية

قصة دايمه للنهاية ضمي حرفك

وانزعي الكسرة

اللي بينا وارسميني ....

صورة حلوة في عيونك

 وقت ما يكون الغروب

وقت ضاحكة الشمس

لينا بالشروق

 انزعي كل القيود

حرف اسمي

ويا اسمك

تبقى لينا الدنيا نور

وارسميني....

بحر هادي وموجة عادي

شط مرسى للأمان

علميني ... 

ازاي اكون بين اديكي

 طفل يبحث ع الامان

واعزفيني ... 

غنوة ليها  اللحن بان

واسمعيني ...

قبل ما الاحزان تبان

احضنيني ...

قبل ما ياخدنا الزمان

في دروب الضلمة

 فيها نلقى 

نعمه النسيان امان

رجعيني ...

وارجعي

 قبل ما يفوت الآوان 

قبل ما الاحلام تموت

 واللي بينا يبقى كان